Tabita Rezaire

Tabita Rezaire (f. 1989, París, Frakkland) er frönsk-gvænesk-dönsk listakona, heilari og fræðimaður í tækni- og stjórnmálum. Verk hennar tengja stafræna tækni, andlega iðkun og arfbundna þekkingu. Hún skapar umlykjandi vídeóverk, gjörninga og innsetningar sem fjalla um nýlenduarf, netfemínisma og lækningapólitík. 

Í Deep Down Tidal skoðar Rezaire hafið bæði sem myndlíkingu og innviði – þar sem leyndar sögur nýlendustefnu, fólksflutninga og samskipta eru falin í undirdjúpunum í gagnastrengjum hafsins. Hún fellir saman hið náttúrulega og stafræna, hið heilaga og hversdagslega, hið liðna og hið ókomna. Verk Rezaire hafnar nýlendubundnu sundrungamynstri með því að tengja áhorfandann aftur við óvestrænar þekkingarleiðir, endurreisir slitnar ættarsögur og leggur til nýjar tímaskynjanir sem byggja á tengslum, helgisiðum og kosmískri jafnvægisleit.