BÓTANÍK

04.12.2021

@ Coocoo’s Nest
Opnun // Opening
Mellí (Melkorka Þorkelsdóttir)
Coocoo’s Nest & Lúna Flórens
Grandagarður 23 – 25
15.október kl. 17:00
Sýningin ‘BÓTANÍK’ samanstendur af verkum listakonunnar þar sem fagurfræði plönturíkisins er fléttuð inn í steindir og glitur.
Í verkum Mellí (1997) ráða glimmer og gimsteinar jafnan ríkjum, efniviður sem fyrirfinnst ekki einvörðungu inni á diskótekum. Auk glitursins sækir listakonan mikið í hefðbundna abstrakt geómetríu, og fléttar hana inn í yfirgengilegan og hólógrafískan efnivið.
Á yfirborði málverkanna má finna fíngerða skúlptúra sem líkja eftir kristalþyrpingum sem finnast í bergi jarðarinnar. Að jafnaði þekkjum við málverk sem tvívíðan flöt, og verður sá flötur því þrívíður með viðbót þessara skúlptúra.
‘Bótaník’ er þriðja einkasýning listakonunnar.
BÓTANÍK